Әулиекөл ауданындағы Сұлтан Баймағамбетов атындағы мектеп-гимназияда «Сенімділік пен табыстың құпиялары» атты қызықты сабақ өтті.
Педагог-психолог Гүлбахыт Біржанова әрбір оқушы өзін еркін әрі жайлы сезінетін белсенді, позитивті және қолдаушы атмосфера қалыптастырды. Оқушылар тақырыпқа үлкен қызығушылық танытып, пікірлерімен бөлісіп, талқылауларға қатысып, практикалық тапсырмаларды орындады.
Сабақ барысында сенімділікті дамыту, өзін дұрыс таныстыру және жеке мықты қасиеттерді анықтауға бағытталған жаттығулар ерекше қызығушылық туғызды. Оқушылар өз мүмкіндіктеріне жаңаша қарап, табысқа жетудің алғашқы қадамдарын жасады.
Бұл сабақ оқушыларға сенімділік пен табыстың не екенін кеңірек түсіндіріп қана қоймай, өзін-өзі дамытуға, мықты жақтарын жетілдіруге және өз мақсаттарына ұмтылуға шабыт берді.