Қостанай қаласындағы №11 жалпы білім беретін мектепте 6-сынып оқушылары үшін педагог-психолог Жанар Тұрсынбайқызының жетекшілігімен «Достық және қарым-қатынас мәдениеті» тақырыбында қызықты тренинг өтті.
Кездесудің мақсаты – достық, өзара түсіністік және қарым-қатынас мәдениетінің сыныпта және қоғамда берік қарым-қатынас орнатудағы маңызын көрсету.
«Достық сигналы», «Бірліктің күші» секілді қызықты практикалық жаттығулар мен ойындар арқылы оқушылар бір-бірін тыңдай білу, қолдау көрсетудің маңыздылығын сезінді. Жылы сөздер мен бірлескен тапсырмалар сенім мен командалық рухты нығайтуға ықпал етті.
Нағыз достық – бұл шынайы қамқорлық, көңіл бөлу және бір-біріне құрметпен қарау. Осындай дағдылардың арқасында балалар түсіністікке, ынтымақтастыққа және берік достық байланыстарға қол жеткізеді.