Біздің Орталықтың бастамасымен және әдістемелік қолдауымен бүкіл облыста өтіп жатқан «Ата-аналар мен педагогтарға психологиялық қолдау: отбасы мен мектептің өзара әрекеттестігі» семинар-практикумы Алтынсарин ауданында да ұйымдастырылды.
Бұл жерде жалпы қамту 118 қатысушыны құрады. Яғни күн сайын балаларға қамқорлық жасап, олардың өсуіне үлес қосып жүргендер:
ата-аналар,
«ерекше назар тобына» жататын балалардың ата-аналары,
психологтар,
әлеуметтік педагогтар,
тәрбие ісі жөніндегі директордың орынбасарлары,
сынып жетекшілер.
Олар бірге отбасы мен мектептің екі бөлек әлем емес, бір командаға қалай айнала алатынын талқылады! Сондай-ақ шағын ғана қадамдардың өзі ынтымақтастыққа үлкен әсер беретінін атап өтті.
Барлық қатысушылар үшін маңызды болған мәселелердің қатарында:
ересектердің өздері күйзеліске түспей, балаларды қалай қолдай алатыны;
баладағы алғашқы алаңдаушылық белгілерін дер кезінде қалай байқап, көмек көрсету қажеттігі.
Бұл сұрақтар әр ата-ананы толғандыратынына сенімдімін!
Қатысушылар тек тыңдап қана қоймай, талқылады, жағдайларды талдады, тәжірибелерімен бөлісті — бірде күліп, бірде терең ойға қалды. Әсіресе ата-аналардың шынайы жауаптары мен мамандардың кәсіби пікірлері өте құнды болды
Ең бастысы — барлық қатысушыларда ортақ сезім қалыптасты: бірге — жеңіл, дұрыс және тиімді. Өйткені отбасы мен мектептің байланысы қаншалықты мықты болса, баланың өзін қауіпсіз әрі сенімді сезінуі де соншалықты жоғары болады.