Май ауылындағы мектепте ата-аналар жиналысына дайындық барысында балалар «Отбасындағы сенім» атты стенд әзірледі.
Өйткені ата-аналарға сенімнің баланың тәрбиесіне, дамуына және психологиялық әл-ауқатына қалай әсер ететінін ұғындыру өте маңызды. Дәл осы сенімге негізделген қарым-қатынас жанжалдардың алдын алады, мазасыздықты төмендетеді және буллинг қаупін азайтады!
Мектеп психологының ұсынысымен оқушылар отбасында қандай сезімдер болуы керектігі туралы (махаббат, құрмет, қамқорлық, қолдау) және қандай нәрселерге орын жоқ екені жайлы (ұрыс-керіс, немқұрайлылық, сенімсіздік) өз ойларымен бөлісті.
Әр баланың пікірі – отбасы ошағы қандай болуы тиіс екендігі жөніндегі ең шынайы көзқарас! Сол себепті ата-аналар да стендті қызығушылықпен қарап, балалардың жүректен шыққан сөздерін сүйсіне оқыды.
Осыдан кейін көптеген ересектер сенім артылған баланың мәселелерімен оңай бөлісетінін, шешімді де сенімді қабылдайтынын ой елегінен өткізген болар.
Ал сізге балалар жасаған бұл стенд идеясы ұнады ма?