Мектеп дәліздерінде әрдайым күлкі, сөйлесулер мен қадамдардың дыбысы көп… Бірақ осы у-шудың ар жағында кейде уайым мен ауыр сезімдер жасырынып жатады. Буллинг – бұл жай ғана жанжал емес. Бұл – көзге көрінбейтін, бірақ міндетті түрде емдеуді қажет ететін жара.
Лисаков қаласы мектеп-лицейінің педагог-психологы И.А. Опанасенко оқушыларға өздерінің «ішкі құрмет қамалын» құруға алғашқы қадам жасауға көмектесуде. Психологиялық ойындар мен жаттығулар арқылы жасөспірімдер әркім өзін қауіпсіз сезінетін орта қалыптастыруды үйренді.
Тренингтің әрбір тапсырмасы осы мақсатқа бағытталды. Жасөспірімдер өз сезімдері туралы ашық айтуға, өмірлік жағдаяттарды сахналауға, кейіпкерлердің эмоцияларын талдауға, агрессияның түбінде не жатқанын және қысымға ұшыраған адамның қандай күйде болатынын түсінуге тырысты. Кейде алғашқы рет агрессор басқа біреудің жан айқайын естіді, ал жәбірленуші – шынайы қолдауды сезінді.
Соңында барлық қатысушылар бірігіп «Достық кодексі» атты жарқын плакат жасады. Бұрын ренжіткендер де, үнсіз қалғандар да – бәрі бір командаға айналды!