Науырзым ауданының Шилі жалпы білім беретін мектебінде педагог-психолог А.Қойшыбекова 1–11-сынып оқушыларының ата-аналарымен «Буллинг пен кибербуллингтің алдын алу» тақырыбында жиналыс өткізді.
Жиналыстың мақсаты – ата-аналарға «буллинг» және «кибербуллинг» ұғымдарын түсіндіру, олардың түрлері мен салдарын қарастыру, сондай-ақ балалар арасында бұл теріс құбылыстардың алдын алу тәсілдерін үйрету.
Ата-аналарға өзара түсіністік, сенім мен қолдауды дамытуға бағытталған «Ілгіш» жаттығуы ұсынылды. Сонымен қатар, сенімнің маңыздылығын және зорлықсыз қарым-қатынас тәсілдерін көрсету мақсатында «Жұдырық» жаттығуы өткізілді.
Кездесу соңында көңіл-күйді көтеріп, қатысушылардың белсенділігін арттырған көңілді сергіту сәті ұйымдастырылды. Мұндай қысқа белсенді үзілістер тренингтің әсерін күшейтіп, жылы әрі сенімді атмосфера қалыптастыруға ықпал етеді.