Сарыкөл ауданына қарасты Лесной негізгі орта мектебінде педагог-психолог А.С. Шаймерденова ата-аналармен «Интернет желісіндегі балалардың қауіпсіздігі» тақырыбында кездесу өткізді.
Іс-шараның мақсаты – балалардың интернетте кездесуі мүмкін қауіптері мен тәуекелдері туралы ата-аналардың хабардарлығын арттыру, сондай-ақ цифрлық қауіпсіздікті қамтамасыз ету бойынша бірлескен іс-қимылдарды қалыптастыру.
Кездесу барысында балалардың онлайн кеңістіктегі қауіпсіз мінез-құлық ережелері талқыланды. Ата-аналар практикалық тапсырмаларға қатысып, интернет-жағдайларды талдады, ықтимал қауіптерге дұрыс әрекет ету жолдарын үйренді және нақты мысалдарды талқылады.
Кездесу қорытындысы бойынша ата-аналар ортақ пікірге келді: балалардың интернет белсенділігін бірлесіп бақылау, цифрлық сауаттылық туралы тұрақты әңгімелесу және баланың желіні жауапкершілікпен пайдалану мәдениетін қалыптастыру аса маңызды.