Фёдоров ауданының Абай атындағы жалпы білім беретін мектебінде ата-аналарға арналған жасөспірім жасының ерекшеліктері мен баламен сенімді қарым-қатынас құру тақырыбына бағытталған сабақ өтті.
Педагог-психологтар ата-аналарды жасөспірімдердің психологиялық ерекшеліктерімен таныстырып, олардың мінез-құлқындағы өзгерістердің себептері туралы айтып, өсіп-жетілу кезеңінде баланы қолдау мен тиімді байланыс орнатудың жолдарын талқылады.
Ата-аналар пікірталасқа белсенді қатысып, эмпатияны, өзара түсіністікті және конструктивті қарым-қатынасты дамытуға арналған жаттығулар орындады. Көпшілігі мұндай кездесулер жасөспірімдік кезеңдегі қиындықтарға жаңаша көзқараспен қарап, отбасында үйлесімділік орнатуға көмектесетінін атап өтті.
Іс-шара соңында қатысушылар ересектер мен балалар арасында сенімді және жылы атмосфера қалыптастыруға арналған тәжірибелік кеңестерімен және ой-пікірлерімен бөлісті.
