Б.Майлин ауданының жалпы білім беретін мектебінде 1-сынып оқушыларының ата-аналары үшін «Бірінші сынып оқушыларының мектепке бейімделуі» тақырыбында ата-аналар жиналысы өтті.
Жиналыстың мақсаты – ата-аналарға балалардың бейімделу кезеңінде қандай қиындықтарға тап болуы мүмкін екенін түсіндіру және осы маңызды кезеңде оларды қалай қолдауға болатынын көрсету.
Мектеп психологы бейімделу кезеңінің ерекшеліктері туралы айтып, балалардың мінез-құлқы, эмоционалдық жағдайы, үлгерімі және қатарластарымен қарым-қатынасына назар аударды. Сонымен қатар, үйде қолайлы атмосфера қалыптастыру және баланың өзіне деген сенімін нығайту бойынша ұсыныстар беріп, ата-аналардың сұрақтарына жауап берді.
Жиналыс жылы әрі достық атмосферада өтті. Ерекше сәттердің бірі – ата-аналардың «Тілек ағашы» интерактивіне қатысуы болды. Әр ата-ана өз балалары мен ұстаздарға арналған жүрекжарды тілектерін жазып қалдырды.