Қостанай ауданы Айсары ауылы мектебінде бірінші сынып оқушылары үшін «Досболlike» бағдарламасы аясында «Достық – тамаша сөз» атты жүрекке жылы сабақ-тренинг өтті.
Сабақтың мақсаты – балаларға достық пен қолдаудың маңызын түсіндіру, ынтымақтастыққа үйрету, өз сезімдерін ашық жеткізе білуге дағдыландыру.
Оқушылар жылы тілектермен бөлісіп, нағыз дос қандай болуы керектігін талқылап, рөлдік ойындар мен топтық жаттығуларға белсене қатысты.
Тренинг соңында әр бала өз достарына ізгі тілектерін жазып, біріге отырып «Біздің достық жүрегіміз» атты плакатты безендірді. Бұл – сыныптың бірлігі мен достығының символына айналды.