Ата-аналар мен педагогтар балалар үшін қауіпсіз орта қалыптастырып жатқанда, оқушылар да бұл істе белсенді атсалысып келеді — бұл қуантады!
Береговой мектебінде психолог О.Л. Аусеитовамен бірге 8-сынып оқушылары буллинг пен кибербуллинг тақырыптарына арналған жобалар дайындады. Өкінішке қарай, бұл мәселелер көптеген жасөспірімдерге таныс.
Оқушылар үлкен зерттеу жұмысын жүргізді! Олар:
шынайы буллинг пен онлайн-агрессия мысалдарын зерттеп, себептері мен салдарын талдады;
барлық оқушылар мен ата-аналарға қиын жағдайда дұрыс әрекет етуге көмектесетін алгоритмдер жазылған жадынама әзірледі;
цифрлық ортадағы қауіп-қатерді қалай анықтау керектігін және буллингке қатыспау жолдарын — жәбірленуші, агрессор немесе үнсіз бақылаушы болмау тәсілдерін талқылады.
Маған ұнағаны — балалар мәселені жабулы қалдыру оны одан әрі ушықтыра түсетінін жақсы түсінеді!
Шынында да, сөйлеу, ересектерге жүгіну, көмек сұраудан қорықпау маңызды. Буллинг — «баланың жеке мәселесі» емес, араласуды қажет ететін жағдай.
Осылайша 8-сынып оқушылары мектепте де, онлайн кеңістікте де психологиялық қауіпсіздікті қалай сақтауды меңгерді. Әркім достыққа толы әрі қауіпсіз орта қалыптастыруға үлес қоса алатынын түсінді. Тамаша!