«Балалардың дәрі-дәрмекпен улануының алдын алу» – дәл осы тақырыпта Науырзым орта мектебінде ата-аналар жиналысы өтті.
Кездесудің атауының өзі-ақ мәселенің өзектілігін көрсетіп тұр. Өкінішке қарай (жүректі қарып өтетін қайғымен!) кейде балалардың дәрі-дәрмекті абайсызда немесе әдейі ішіп қойып, уланатын жағдайлары туралы естіп жатамыз.
Дәрілерді дұрыс сақтау, оларды балалардың көзінен таса жерге қою – түсінікті нәрсе емес пе? Бірақ, соған қарамастан… қайғылы жағдайлар орын алып жатыр…
Осыны тағы бір мәрте ата-аналарға еске салу мақсатында педагог-психолог Б.М. Искакова оларды мектепке жиынға шақырды. Ол медициналық препараттарды қауіпсіз қолдану және мұндай жағдайлардың алдын алу шаралары туралы айтып берді. Сонымен қатар қатысушыларға тәрбиелік маңызы зор тренинг өткізді.
Менің ойымша, мұндай маңызды шараның қалай өткенінен гөрі, оның мазмұны әлдеқайда маңызды. Осы кездесуге келген ересектер өз сақтығы мен жауапкершілігінің баласының өмірін сақтап қалуда шешуші рөл атқаратынын шын мәнінде түсінді деп үміттенемін!