14 қарашада өңірдегі әрбір мектеп пен колледжде дәстүрлі іс-шарамыз – Бірыңғай облыстық ата-аналар жиналысы өтті.
Әдетте бұл жиналысты заманауи қоғамның өзекті мәселелеріне арнаймыз: кәмелетке толмағандар арасындағы аутодеструктивті мінез-құлықтың, буллингтің және тұрмыстық зорлық-зомбылықтың алдын алуға.
Бұл маңызды кездесуге 50 000-нан астам ата-ана қатысты! Кешенді әдістемелік сүйемелдеу Психологиялық қолдау орталығы мамандарымен әзірленді.
Жиналыстың мақсаттары:
Жасөспірімдер суицидінің себептері мен белгілері туралы ата-аналардың білімін кеңейту.
Буллинг пен тұрмыстық зорлық-зомбылық мәселелері бойынша профилактикалық көмек көрсету.
Ата-ана мен бала арасындағы ең маңызды дүние – құрмет пен түсіністікке негізделген қарым-қатынасты қайта ой елегінен өткізуге мүмкіндік беру.
Біз әр ата-ананың баласының өміріне белсенді араласуын, оның күнделікті жағдайына, эмоциялық күйіне назар аударуын, мәселелерді талқылап, бірге шешуге үйретуін ерекше атап өтеміз!
Практикалық бөлімде қатысушылар түрлі проблемалық жағдайларды талдап, бала мен ата-ана арасындағы қатынасқа арналған бейнероликтерді тамашалады. Бұл тақырыпты тереңірек түсінуге және өзара әрекеттесудің тиімді жолдарын табуға көмектесті.
Жиналыс соңында ата-аналарға келесі ұсыныстар берілді:
қажетті ережелер мен баланың пікірін ескеру арасындағы теңгерімді сақтау;
қиын жағдайларда мамандардан көмек сұраудан қорықпау.
Іс-шара аясында 80 000-нан астам жадынама, парақша және отбасы тәрбиесі мен теріс мінез-құлықтың алдын алу жөніндегі визиткалар таратылды.
Құрметті ересектер, ұмытпаңыздар: махаббат, құрмет және ашық диалог – бақытты әрі дені сау ұрпақ тәрбиелеудегі басты құралымыз!