Ол бүгін, 20 қарашада басталады. Облыс әкімінің орынбасары Бақытжан Хаберұлы Нарымбетовтың бастамасымен біздің Психологиялық қолдау орталығы, білім басқармасы және психологтар бірігіп осы Апталықтың жобасын және бағдарламасын әзірледі.
Апталық Дүниежүзілік балалар күніне орайластырылған, ол дәл бүгін атап өтіледі!
Ал кеше біз онлайн-кеңес өткізіп, онда мен білім беру ұйымдарының психологтарына, желілік үйлестірушілерге және әдіскерлерге жаңа жобамыз туралы толық ақпарат бердім. Бұл жобаны дәстүрлі шараға айналдыру жоспарланып отыр!
Апталықтың басты мақсаты – педагогтар, оқушылар және олардың ата-аналарының психологиялық денсаулығын сақтау мен нығайтуға жағдай жасау, білім беру процесінің барлық қатысушыларының психологиялық мәдениетін арттыру және ұжымдарда жағымды әлеуметтік-психологиялық климат қалыптастыру.
Кеңесте не айтылды?
Тақырыптық күндер бойынша жоспарланған түрлі іс-шараларды өткізу тәртібі түсіндірілді.
Негізгі бағыттарды жүзеге асыруға жауапты тұлғалар анықталды.
Балалардың барлығын қамту және іс-шаралардың алуан түрлі форматы (акциялар, ойындар, көрмелер) маңызды екені атап өтілді.
Барлығымыз білеміз: кез келген білім беру ұйымында барлық шараға белсенді қатысып жүретін бірнеше ғана белсенді оқушы болады. Ал бұл Апталық аясында барлық іс-шараларға басқа балаларды да, әсіресе психологиялық қолдауды қажет ететіндерді тарту қажет.
Апталықтың әр күні әртүрлі аталады, мазмұны да өзгеше, бірақ ортақ мақсаты бір – балалар мен ересектерді біріктіру, әр күнін позитивке, сенімге толтыру, оның ҚҰНДЫ, ЕРЕКШЕ екеніне, оның тағдырына айналасындағылардың бейжай қарамайтынына көз жеткізу
Сонымен, біз жаңа да бірегей жобаны жүзеге асыруды бастаймыз. Бұл жоба әлі де шетте жүргендерді біріктіріп, балалар мен ересектердің жүрегі мен жан дүниесін позитивке, жылулыққа және сүйіспеншілікке толтырады деп сенеміз. Ең бастысы – әркімнің бақытты ертеңге деген сенімін нығайтады!