«Адал азамат» бағдарламасы аясында Қостанай қаласындағы №13 негізгі орта мектебінде «Бақыт хаты», атына заты сай психологиялық тренинг өтті.
Бақыт туралы хат жазу… Бұл тапсырма ата-аналарға шынайы бақыт сыйлайтын қарапайым, бірақ маңызды дүниелер жайында ойлануға, сондай-ақ осы сезімді өз балаларына қалай жеткізуге болатынын түсінуге көмектесуге бағытталды.
Айта кету керек, іс-шара өз мақсатына жетті. Ата-аналар өз ойларымен және сезімдерімен қызығушылықпен бөлісіп, бұл жаттығу отбасы мен мектеп арасындағы өзара түсіністі нығайтудың тамаша мүмкіндігіне айналды!
Келіспеске болмайды – бақыт дәл қасымызда. Біз оны мейірім, қамқорлық және сүйіспеншілікпен бөліскен кезде өзіміз жасаймыз.