Кеше Арқалық қаласының білім саласында маңызды оқиға өтті – «Ата-аналар мен педагогтардың психологиялық қолдауы: бала игілігі үшін әріптестік» атты облыстық семинар-практикум ұйымдастырылды.
Бүгінгі таңда бүкіл өңірді толғандырып отырған мәселелерді талқылау үшін 105 адам бір алаңға жиналды!
Қазіргі уақытта ата-аналар мен педагогтарды не алаңдатады? Бүгінгі балалар жоғары эмоциялық жүктеме, цифрлық ортадағы қиындықтар мен әлеуметтік қарым-қатынастағы өзгерістер жағдайында өсіп келеді. Бұл тәрбиелеу тәсілдерінің де өзгеруіне әкелуде.
Сондықтан мектеп пен отбасы арасындағы сенімге, қолдауға және ортақ шешім қабылдауға негізделген әріптестікті нығайту бұрынғыдан да маңызды. Ата-ана мен педагог күш біріктірсе – бала өзіне сенімділік, қауіпсіздік және әлеуетін дамытуға нақты мүмкіндік алады.
Арқалықтағы ата-аналар қауымдастығы белсенділігімен өзінің жауапкершілігін жақсы түсінетінін және өңірдегі білім беру ұйымдарымен тығыз байланыс орнатуға дайын екенін көрсетті.
Тағы да айта кеткім келеді, мұндай іс-шаралар төмендегі нәтижелерге қол жеткізуге көмектеседі:
ата-аналардың педагогикалық құзыреттілігін арттыру;
ересектердің уайым мен эмоциялық шиеленіс деңгейін төмендету;
мектеп пен отбасы арасындағы сенімді нығайту;
балалардың, соның ішінде «ерекше назардағы топтағы» балалардың да үйлесімді дамуына жағдай жасау.
Сондықтан мұндай семинар-практикум ата-аналарға педагогтарға деген – балалармен қарым-қатынасқа қатысты берілген қолжетімді әрі маңызды ақпарат үшін, әсіресе бала мінез-құлқы немесе эмоциялары жағынан қиындық көріп жүрген жағдайда айтылған кеңестер үшін ризашылық сезімін ұялатады.
Және тағы бір жағымды тұсы – ата-аналардың осындай кездесулерді жалғастыруға деген ықыласы. Бұл – біздің бірлескен жұмысымыздың ең жоғары бағасы!