Оқушылар арасында толеранттылыққа негізделген мінез-құлықты қалыптастыру мақсатында Қостанай қаласындағы №5 мектептің педагог-психологтары мазмұнды тренинг өткізді. Іс-шараға 8 және 9 сынып оқушылары қатысты.
«Біз әртүрліміз және біргеміз» тренингінің маңызы – оқушылар арасындағы сенімділік пен түсіністікті нығайту, коммуникация дағдыларын дамыту және толеранттылықты қолдау.
Сабақ барысында оқушылар өздерін толғандыратын өзекті тақырыптарды талқылауға, коммуникация дағдыларын дамытуға, қақтығыстарды бейбіт жолмен шешудің әдістерін ұсынуға және дені сау қарым-қатынастар құруды үйренуге мүмкіндік алды. Мұндай тәсіл мектепте достық атмосфераның қалыптасуына, оқушылардың өзін-өзі бағалауын арттыруға және сезімдері мен эмоцияларына саналы көзқарас қалыптастыруға ықпал етеді.