Біздің Психологиялық қолдау және тәрбие жұмысы орталығы «Жас педагог-психолог мектебі» туралы ең үздік мақала» байқауының басталғанын хабарлайды! Байқау 6 наурыз бен 28 сәуір аралығында «Жас педагог-психолог мектебі» облыстық жобасы аясында өтеді
Байқаудың мақсаты – талантты жас психологтарды анықтау, қолдау және ынталандыру арқылы психологиялық қызметтің оң имиджін қалыптастыру.
Қатысушылар – 2025 жылдың ақпан айында «Жас педагог-психолог мектебі» (ЖППМ) курсын аяқтағаны туралы сертификат алған педагог-психологтар.
Байқау жұмыстары келесі критерийлер бойынша бағаланады: тақырыптың өзектілігі, талдаудың тереңдігі, практикалық маңыздылығы, ерекше көзқарас және материалды сапалы жеткізу.
Мақалалар психологиялық көмектің өзекті мәселелеріне, психологтың жұмысындағы жаңа әдістер мен технологияларға арналуы мүмкін. Автор ЖППМ-де алған білімдерін тәжірибеде қолдана білуін көрсетуі тиіс.
Үздік жұмыстар Орталығымыздың сайтында жарияланып, кең аудиторияға ұсынылады және жас маманның кәсіби беделін арттыруға мүмкіндік береді 🔎
Байқау – жас психологтар үшін өз дағдыларын көрсетуге, құнды тәжірибе жинауға және кәсіби мойындалуға тамаша мүмкіндік. Қатысыңыз және жеңіске жетіңіз!!