Біздің Орталықтың «Отбасылық клуб» жобасы аясында және психологиялық қызметтің жұмысы шеңберінде Қарасу ауданының Железнодорожный мектебінде ата-аналарға арналған маңызды тренинг өтті.
Тренингтің басты мақсаты – балалар ұжымдарындағы буллинг пен зорлық-зомбылықтың алдын алу мәселелерін талқылау болды.
Қатысушылар буллингтің негізгі белгілері мен алаңдатарлық сигналдарға уақытылы әрекет ету жолдарын қарастырды. «Смайлик» жаттығуы ата-аналарға балалардың эмоциялық жағдайын қарапайым, бірақ тиімді әдістер арқылы бақылаудың маңыздылығын түсінуге көмектесті.
Сондай-ақ, буллингтің нақты жағдайлары талданып, баланы мектепте және әлеуметтік ортада қолдау бойынша тиімді стратегиялар әзірленді.
Ата-аналар өз балаларына қолдау көрсететін тәлімгер болу және отбасында қауіпсіз атмосфера қалыптастыру жөнінде пайдалы кеңестер алды. 🤝 Белсенділігі мен бей-жай қарамаушылығы үшін барлық қатысушыларға алғысымызды білдіреміз – бірге біз балалардың ортасын қауіпсіз әрі жайлы ете аламыз❗