Федоров ауданы Успенов орта мектебінде тәрбие жұмысы және орталығымыздың «Отбасылық клуб» облыстық жобасы аясында педагог-психолог ата-аналарға арналған «Балаңыз сізді тыңдау үшін қалай сөйлесу керек?» тақырыбында тренинг өткізді.
Тренингтің басты мақсаты – ата-аналарға баламен тиімді қарым-қатынас орнатуға көмектесу, белсенді тыңдау дағдыларын дамыту және эмоцияларды конструктивті түрде білдіруді үйрету.
Шара барысында балалармен қарым-қатынаста жиі жіберілетін қателіктер туралы қысқаша дәріс оқылып, конструктивті қарым-қатынасты дамытуға арналған жаттығулар мен өмірлік жағдайлар талқыланды. «Бала көзімен жанжал» атты рөлдік ойында ата-аналар жағдайды баланың көзімен көріп, өз сөздері мен әрекеттерінің балаға қалай әсер ететінін түсінді.
Ата-аналар тренингтен пайдалы ақпарат пен тәжірибелік кеңестер алғандарын айтып, алдағы уақытта да осындай кездесулерге қатысуға ниет білдірді.