Қарасу ауданына қарасты Ушаков орта мектебінде сынып ішіндегі бірлікті нығайтуға, қолайлы психологиялық ахуал қалыптастыруға және қарым-қатынас дағдыларын дамытуға бағытталған тренинг өтті. Шараны педагог-психолог Илуридзе Ф.И. жүргізді.
Тренингтің басты мақсаты – оқушылар арасындағы өзара түсіністікті арттыру, қарым-қатынастағы кедергілерді жою және бір-бірін қабылдау мен түсіне білу қабілетін дамыту.
Тренинг ерекше амандасудан басталды – әр оқушы өзіне жаңа ат таңдап алып, сол есіммен тренинг бойы қатысып отырды. Бұл әдіс балалардың күнделікті рөлдерден шығып, өзін еркін сезінуіне, ашық әрі ойын атмосферасын қалыптастыруға ықпал етті.
«Онға дейін санау» атты тапсырма бастапқыда оңай көрінгенімен, шын мәнінде назар, төзім және сөзсіз түсінісу қабілетін талап етті. Оқушылар келісіп алмай, кезекпен онға дейін санауы керек болатын. Тапсырма қиындық туғызғанымен, балалар оны сәтті орындап, бұл жаттығу арқылы сыныптастарын жақсырақ тани түскендерін айтты.
Тренингтің соңғы бөлігі – «Гүл бақшасы» жаттығуы болды. Бұл кезеңде оқушылар көздерін жұмып, өздерін бір гүл ретінде елестетіп, сол бейнені қағаз бетіне түсірді. Нәтижесінде әр оқушының ерекшелігін бейнелейтін символдық гүл бақшасы пайда болды.
Іс-шара барысында жылы әрі сенімді атмосфера орнап, балалар өз ойларын, сезімдерін еркін жеткізе алды. Қатысушылар бір-бірін жақынырақ танып, тыңдай білуді және түсінуді үйренгендерін, сондай-ақ ата-анасы қойған шын есімінің қадірін тереңірек түсінгендерін айтты.