«Қазақстан – біздің үйіміз» атты облыстық патриоттық және отбасылық тәрбие жобасы аясында Арқалық қаласындағы Т. Әубәкіров атындағы орта мектептің 5-9 сынып оқушыларына «Зорлық-зомбылықсыз балалық шақ» тақырыбында тренинг өткізілді. Іс-шараның мақсаты – оқушыларды зорлық-зомбылықтың алдын алу бойынша ақпараттандыру.
Тренингтің басында педагог-психолог оқушыларға зорлық-зомбылықтың не екенін, оның түрлерін түсіндірді. Оқушылар тапсырмаларды орындауда командалық жұмыс пен ақыл-ойдың тереңдігін көрсетті, ал «Сәлемдесу-танысу» жаттығуы барысында өз есімдерінің алғашқы әрпімен жеке қасиеттері туралы айтып берді.
Тренингке қатысушылар рефлексияға белсенді қатысып, өз эмоцияларын ашық білдірді, бірақ кейбір қиындықтар да болды. Қорытындысында оқушылар бір-біріне жақсы тілектерін білдірді.