Қамысты №1 орта мектебінде тәрбие жұмысы және ата-аналарға психологиялық қолдау көрсету аясында педагог-психолог А.К.Біржанова 4-сынып оқушыларының ата-аналарына арналған «Назар аударуды дамыту» тақырыбында сабақ өткізді.
Сабақтың мақсаты – балаларды оқыту мен тәрбиелеу үрдісінде ата-аналар мен мектеп арасындағы қарым-қатынасты нығайту, сондай-ақ отбасылық әл-ауқат мәдениетін қалыптастыру.
Сабақ «Сөздер» ойыны арқылы басталып, қатысушыларды белсендіруді көздеді. Сабақтың негізгі бөлімінде ата-аналар назар аударуды дамытуға байланысты теориялық мәліметтермен танысып, топтық жұмыс арқылы алған білімдерін бекітті. Назар аударуды дамытуға арналған жаттығуларды орындау барысында ата-аналар мұндай жаттығулардың балалар үшін маңыздылығын тәжірибе жүзінде сезінді.
Сабақ соңында қатысушылар өз тілектері мен әсерлерімен бөлісті. Ата-аналар тақырыпты талқылауға белсенді қатысып, қызықты әрі пайдалы сабақ үшін алғыстарын білдірді.