«Қазақстан – ортақ үйіміз» атты облыстық патриоттық және отбасылық тәрбие жобасы аясында Амангелді ауданы Амантоғай орта мектебінің педагог-психологы Есенаманова А.Ж. 5-6 сынып оқушыларына «Мен өмірді сүйемін» тақырыбында ойын түріндегі тренингтік сабақ өткізді. Мақсаты – балалардың өз өмірін қаншалықты бағалайтынын және ондағы орнын қаншалықты түсінетінін анықтау.
Сабақта өмірге деген оң көзқарасты қалыптастырудың, рухани құндылықтарды дамытудың және өмір мағынасын түсінудің маңыздылығына ерекше көңіл бөлінді. Іс-шараның міндеттері – ойындық және тренингтік тәжірибелер арқылы оқушылардың эмоциялық жағдайын жақсарту, өмір мәнін түсініп, ұғынуға көмек көрсету, рухани дамуға ықпал ету, дискуссия мен рефлексияға белсенді қатысу арқылы өмірлік ұстаным қалыптастыру.
Іс-шара оқушылардың бұл әлемдегі өз орнына деген ішкі сенімін қалыптастыруда маңызды қадам болды.