Науырзым ОМ–да тәрбие жұмысы аясында педагог-психолог Б. М. Искакова 5-6 сынып оқушылары үшін "Көңілді үзіліс" ойынын ұйымдастырды. Мақсаты- үзіліс кезінде мектепте қолайлы психологиялық атмосфера құру, оқушылар арасындағы өзара іс-қимылды нығайту, олардың қарым-қатынасын жақсарту.
Балаларға түрлі ойын жаттығулары ұсынылды:" Жұбыңды тап","Көңілді би",оқушылар белсенді қатысты. Қазіргі заманғы тәрбие міндеттерін ескере отырып, «Шыр» ұлттық ойыны өткізілді. Тілдік ойындар үлкен тәрбиелік мәнге ие, олар ептілікті, дәлдікті, жылдамдық пен зейінді дамытады.
Осындай іс-шаралардың арқасында мектептегі үзілістер қызықты әрі пайдалы өтті. Бұл өз кезегінде педагог-психолог пен оқушылар арасындағы сенімді қарым-қатынасты қалыптастыруға ықпал етеді.