Бұл іс-шара Қарасу ауданының Люблин мектебінде өтті. Оқу орнының психологиялық қызметі оны балалардың аутодеструктивті мінез-құлқының алдын алу және Орталықтың «Отбасылық клуб» атты облыстық жобасы аясында ұйымдастырды.
Кездесудің мақсаты – ата-аналарды педагогтармен бірлесіп жұмыс істеуге ынталандыру арқылы тәрбиелеу, оқыту және балалардың дамуы бойынша оң нәтижелерге қол жеткізу, сондай-ақ ата-ана мен бала арасындағы қарым-қатынасты жақсарту үшін жағдай жасау.
Іс-шараны ұйымдастырушылар шығармашылық тұрғыда келді – көңілді байқаулар мен ойын-сауық бағдарламаларын дайындады. Сондықтан қатысушылар – ата-аналар мен олардың балалары – өзекті тақырыптарды талқылап қана қоймай, танымал әншілерді пародиялап ән айтты, сахналық қойылымдарға және импровизацияларға қатысты.
Тренингтік тапсырмалар арасында ерекше қызығушылық тудырғаны – «Көзқарас арқылы таны» жаттығуы болды. Ата-аналар балаларымен көзбе-көз қарап отырып, олардың армандарын, ішкі жан дүниесін, тілектерін түсінуге тырысты. Шынымен де ерекше әсер қалдырған, әрі пайдалы жаттығу ол балаларды жақсырақ түсінуге, сезінуге үйретеді❗
Ата-аналар бұл шарадан кейін бірлескен іс-әрекет отбасы құндылықтарының жүйесін қалыптастыратынына, баланың танымдық қызметіне жағымды эмоционалдық әсер беретіндігіне, әлеуметтік маңызы бар шығармашылыққа және рухани қарым-қатынасқа жетелейтініне көз жеткізді.