Бүгінгі таңда мектептерде буллингтің, өзіне-өзі қол жұмсаудың және тұрмыстық зорлық-зомбылықтың алдын алуға бағытталған көптеген іс-шаралар өткізілуде. Бұл – дұрыс шешім. Балалық шақтағы мұндай жағымсыз жағдайларды үнемі бақылауда ұстау қажет!
Осы бағытта Алтынсарин ауданының Қызылқорған орта мектебінде педагог-психолог Кудерина А.Ж. «Абай болыңыз – суицид» тақырыбында мектепішілік ата-аналар жиналысын ұйымдастырды. Іс-шара сондай-ақ біздің Орталықтың облыстық «Отбасылық клуб» жобасы аясында өтті.
Мақсат – ата-аналарды өзіне-өзі қол жұмсаудың және тұрмыстық зорлық-зомбылықтың алдын алу жолдарымен таныстыра отырып, балалар үшін қауіпсіз және қолдаушы орта қалыптастыру.
Жиналыс барысында ата-аналардың жасөспірімдердің қандай қиындықтарға тап болатыны туралы хабардарлығын арттыруға арналған тренинг өтті. Әсіресе, «Бақыт туралы хат» атты жаттығу көптің көңілінен шықты. Қатысушылар екі топқа бөлінді: «балалар» және «ата-аналар». Балалар ✍ ата-аналарға бақытты болу үшін не қажет екені туралы хат жазса, ата-аналар ✍ балаларға ата-ана бақыты үшін не маңызды екенін жазды.
Сонымен қатар қатысушыларға өзіне-өзі қол жұмсаудың салдары туралы бейнероликтер көрсетілді. Көрсетілімнен кейін ата-аналар бұл «ауыр» тақырыпты белсенді түрде талқылап, психолог тарапынан баламен үйлесімді қарым-қатынас орнату және кәмелетке толмағандардың мінез-құлқындағы кез келген өзгерістерге мұқият болу бойынша бірнеше пайдалы кеңестер алды.