Амангелді ауданы Тасты орта мектебінде «Бала өміріндегі ата-ананың рөлі» атты тәрбие сағаты өтті. Іс-шара ата-аналарға психологиялық қолдау көрсету және біздің Орталықтың «Отбасылық клуб» облыстық жобасы аясында ұйымдастырылды.
Мақсаты – отбасы мен мектеп арасындағы байланысты нығайту, сондай-ақ ата-аналардың балалар тәрбиесіндегі психологиялық сауаттылығын арттыру.
Тәрбие сағаты мазмұнды әрі әсерлі өтті. Ата-аналарға тәрбиелік мәні терең бейнероликтер көрсетіліп, олардың қатысуымен психологиялық тренинг жүргізілді.
Балаларда ата-анаға деген құрметті көзқарасты қалыптастыру, олардың еңбегі мен сөзсіз қолдауының маңыздылығын ұғындыруға ерекше назар аударылды. Сонымен қатар, ата-аналарға баланың өміріне эмоциялық тұрғыдан қатысу және дер кезінде психологиялық көмек көрсету – тек бала үшін ғана емес, өздері үшін де маңызды екені ескертілді‼️
Ата-аналар талқылауға белсенді қатысып, өз тәжірибелерімен бөлісіп, сұрақтар қойды. Кездесу соңында олар көтерілген мәселелердің өзектілігін атап өтіп, мектеп психологына өткізілген шара үшін алғыстарын білдірді.