Комсомол жалпы білім беретін мектебінде 9-сынып оқушыларының ата-аналарымен оқушылардың білім жетістіктерін мониторингілеуге (ОБЖМ) дайындық кезеңінде оларды қолдаудың маңыздылығы туралы сөз қозғалды.
Шараның мақсаты – ата-аналарға емтиханға дайындық үдерісі туралы нақты түсінік беру, балаларды қолдаудың тиімді әдістерімен таныстыру және осы кезеңде жиі кездесетін уайым мен күйзелістерге қатысты сұрақтарға жауап беру болды.
Алдымен ата-аналарға емтихан құрылымы мен оқушылардың жұмыстары қандай критерийлер бойынша бағаланатыны түсіндірілді. Педагог-психолог А.А. Бауденованың презентациясы оқу уақытын дұрыс ұйымдастыру, күйзеліспен күресу әдістері және дағдарыс сәттерінде балаларды қолдауға арналған кеңестер секілді тақырыптарды қамтыды.
Ерекше көңіл балалардың мотивациясына және отбасында қолайлы атмосфера қалыптастыруға аударылды. Мектеп психологы жасөспірімдердегі күйзеліс белгілерін қалай анықтау және оларға уайым мен жүйке қысымымен күресуге қалай көмектесу керектігі туралы пайдалы кеңестер берді.
Шара барысында шағын пікірталастар мен мини-сауалнамалар ұйымдастырылып, ата-аналар өз тәжірибелерімен бөлісіп, кездесетін қиындықтарды талқылады.
Мұндай кездесулер мектеп пен ата-аналар арасында серіктестік қарым-қатынас орнатуға ықпал етеді, бұл өз кезегінде оқушылардың емтихан мен өзге де сынақтардағы жетістіктеріне жол ашады.