Лисаков қаласындағы мектеп-гимназияда бастауыш сынып оқушылары эмоциялар әлемімен танысты! Педагог-психолог оқушыларға эмоционалдық интеллектті дамытуға бағытталған түрлі ойын және шығармашылық жаттығулар өткізді.
Тренинг барысында балалар мимика мен қимыл арқылы сезімдерді жеткізуге машықтанып, негізгі эмоцияларды тануды, олардың себептері мен салдарын түсінуді, сондай-ақ эмоцияларды дұрыс әрі конструктивті жеткізу дағдыларын меңгерді.
Сабақтардың ойын түрінде өтуі балалардың қызығушылығын арттырып қана қоймай, әрбір оқушы өзін жайлы әрі сенімді сезінетін жағымды атмосфераның қалыптасуына ықпал етті.
Тренингтің соңғы бөлігінде бір-бірінің эмоцияларын түсінуге және ұжымдағы достық қарым-қатынасты нығайтуға бағытталған арнайы жаттығу өткізілді.
Осылайша балалар өз-өздерін және айналасындағы адамдарды жақсырақ түсінуге, эмоционалдық қиындықтарды еңсеруге және сыныптастарымен үйлесімді қарым-қатынас орнатуға көмектесетін құнды тәжірибе алды.