«Мен өмірді сүйемін» атты психологиялық тренинг Арқалық қаласындағы №8 мектепте жоғары деңгейде өтті. Іс-шара мектептің психологиялық қызметі мен біздің Орталықтың «Қазақстан – ортақ үйіміз» атты облыстық жобасы аясында ұйымдастырылды.
Мақсаты – оқушыларды өмірді толыққанды қабылдауға және бағалауға үйрету, өз өміріне жауапкершілікпен қарауға, сонымен қатар қуаныш пен алғыс сезімін дамытуға дағдыландыру.
Бұл шараға 5-6 сынып оқушылары қатысты. Олар түрлі жаттығулар орындап, жақсы көңіл-күймен уақыт өткізді! Сондықтан да «Мен өмірді сүйемін» тренингі оқушыларда жақсы әсер қалдырып, үлкен тәрбиелік рөл атқарды!
Бұл туралы олар тренингтен кейін педагог-психолог өз әсерлерімен бөлісуді ұсынғанда айтып берді. Айта кету керек, барлық пікірлер тек жағымды болды! Мұндай тренингтер балалардың ішкі дүниесін байытып, өмірге деген сүйіспеншіліктерін арттыра түседі.