Жангелді орта мектебінде педагог-психолог К.Ж. Утебаева 5–6 сынып оқушыларына арналған «Сыныптағы достық атмосферасы» атты қызықты да маңызды тренинг өткізді.
Іс-шара мектептегі Психологиялық қызмет пен облыстық «Қазақстан – біздің ортақ үйіміз» жобасы аясында ұйымдастырылды.
Мақсаты – балалар арасында жылы әрі құрметке негізделген қарым-қатынасты қалыптастыру, достықты, адалдықты, қарым-қатынас жасау мен бір-бірін түсіну дағдыларын дамыту.
Тренинг барысында оқушылар келесі қызықты жаттығуларға қатысты:
«Достыққа кім жылдам жетеді?»
«Достарға арналған ізгі тілектер»
Социометриялық әдіс «Достық»
«Көңілді шарды ұста» ойыны
Балалар белсенділік танытып, жылы лебіздерін білдіріп, күлкіге бөленіп, бір-біріне қолдау көрсетті. Шынайы, мейірімді, достық атмосфера орнады!
Мұндай жұмыс форматы ұжымды нығайтуға ғана емес, буллингтің алдын алудың тиімді жолы бола алады. Себебі достық пен түсіністікке толы сынып – әр бала үшін қауіпсіз ортаға айналады!