Лисаков қаласындағы Абай атындағы орта мектепте өткен бұл тренинг ата-аналарға өз өмірін саналы түрде қалыптастыру дағдысын дамытуға бағытталды.
Педагог-психолог қатысушыларға өмірлік бейнелерді салуды ұсынды. Салынған суреттер арасында пальма ағашы, үй, адам және көл болды.
Кейін маман ата-аналардан: «Сурет салу барысында қандай қиындықтар болды және қай сурет оңай берілді?» – деп сұрады. Қатысушылар бұл тапсырма ішкі жан дүниеге үңіліп, бейненің мағынасын жеткізуді талап еткені үшін белгілі бір қиындықтар туындағанын мойындады.
Сонымен қатар, ата-аналар келесі жаттығуларды орындады:
«Өмір дөңгелегі» – өмірдің маңызды салаларын бағалау;
«Мен болашақта» – армандар мен мақсаттарды елестету.
Іс-шара соңында қатысушылар жарқын әсер алғандарын және өз өмірлеріне жаңа көзқараспен қарауға мүмкіндік туғанын атап өтті. Сол себепті, олар осындай шаралар жиі ұйымдастырылса деген тілектерін білдірді.