Қостанай облысы ББ Психологиялық қолдау және тәрбиелік жұмыс өңірлік орталығы өңір тарихында теңдесі жоқ кәсіби байқаудың басталғанын қуана хабарлайды!
Байқаудың мақсаты – әдістемелік қолдаудың үздік тәжірибелерін анықтау және тарату, координаторлардың жүйелі жұмысын, олардың психологиялық қызмет пен тәрбиелік ортаны дамытуға қосқан үлесін көрсету.
Қатысушылар кімдер?
ӨОӘПҚОжТЖ-ның педагог-психологтарға өңірлік деңгейде әдістемелік көмек көрсететін желілік координаторлары.
Бағаланатын көрсеткіштер:
психологиялық қызметті жүйелі түрде сүйемелдеу;
білім бөлімдері және психологтармен өзара әрекет ету формалары мен мысалдары;
әдістемелік материалдар;
жоба бойынша нақты және уақытылы есеп беру;
іс-шараларға қатысу тәжірибесі және оны таныстыру.
Байқау кезеңдері:
I кезең: өтінімдер мен конкурс материалдарын қабылдау – 15 мамырдан 4 маусымға дейін;
II кезең: сырттай қарау – 4 маусымнан 31 шілдеге дейін;
III кезең: қорытынды шығару және марапаттау – тамыз айында.
Бұл байқау – тәжірибе алмасуға, жаңа бастамаларға шабыт беретін, желілік координаторлардың кәсіби өсуіне үлкен серпін беретін алаң. Бұл – өзіңізді көрсетуге, әріптестеріңіздің мойындауына ие болуға және өңірдегі психологиялық қолдау жүйесін дамытуға үлес қосуға мүмкіндік!
Барлық қатысушыларға сәттілік тілейміз! Әрбір өтінім сіздің күш-жігеріңіздің, жауапкершілігіңіздің және мамандығыңызға деген сүйіспеншілігіңіздің көрінісі болсын!