Осындай атауға ие тренинг Наурзым ауданының Буревестник орта мектебінде өтті. Оны мектептің педагог-психологы Е.С. Ребеко кәмелетке толмағандар арасындағы суицидтік мінез-құлықтың алдын алу жөніндегі психологиялық қызмет жұмысы аясында және біздің Орталықтың «Қазақстан – ортақ үйіміз» атты облыстық жобасы шеңберінде ұйымдастырды.
Мақсаты мен міндеттері: күйзеліске төзімділікті қалыптастыру, өмірдің құндылығын сезіну; қарым-қатынас және өзара әрекеттесу дағдыларын дамыту, ұжымның бірлігін нығайту; дағдарыс жағдайында мінез-құлық стратегиясын жасау.
Педагог-психолог аталған мақсаттар мен міндеттерді жүзеге асыруға бағытталған қызықты тапсырмалар дайындады. Мысалы, «Сәлеметсіз бе» 🤝 ойыны айналадағы адамдарға зейінді болуға, байқағыштық пен талдау қабілеттерін арттыруға ықпал етеді. «Өмір дегеніміз…» атты ойтолғау жаттығуы тіпті жағымсыз сәттердің өзінен жақсы тұстарды табуға көмектеседі. Сонымен қатар, оқушылардың өмірге деген көзқарасы «өмір» сөзіне қатысты ассоциациялар арқылы байқалды.
Міне, оқушылар тренинг соңында мынадай қорытынды жасады: «Адам – өте мықты жан! Біз өмір жолында кездесетін қиындықтардың бәрін еңсере аламыз. Ең бастысы – шығу жолын іздеуден жалықпау, бар күшімізді салып, тіпті одан да артық тырысу. Әр адамның ішінде үлкен күш бар, ал көмек көрсетуге дайын адамдар да табылады!»
Баланың аузынан шыққан сөз – шындықтың өзі. Оқушылардың бір-біріне айтқан кеңестері үлкен маңызға ие. Осындай тренингтер арқылы оқушыларда табысқа жетуге деген ұмтылыс, мақсаткерлік пен өзін-өзі тәрбиелеу дағдылары қалыптасады.