Біздің Орталықтың облыстық «Отбасылық клуб» жобасы аясында Лисаковск қаласының Октябрьский орта мектебінде 10-сынып оқушылары мен олардың ата-аналары үшін «Көңіл-күйдің құпиясы: күйзелістен тыныштыққа» атты жиналыс өтті. Бұл кездесу қарым-қатынас, шығармашылық және эмоцияларды түсіну алаңына айналды. 
Іс-шараның мақсаты – қатысушыларды «күйзеліс» ұғымымен таныстыру және көңіл-күйді басқарудың тиімді әдістерін үйрету.
Жиналыс қатысушыларды сергітетін «Аргентиналық жаңбыр» жаттығуымен басталды. Бұл оларға күш-қуат беріп, белсенді жұмысқа дайындалуға көмектесті. Кейін педагог-психолог эмоционалды жағдайды реттеудің әртүрлі тәсілдерін ұсынды: тыныс алу жаттығулары, дене практикалары және күнделікті өмірде қолдануға болатын релаксация техникалары.
Ерекше назар мультфильм кейіпкерлерімен жұмыс істеуге аударылды. «Ойжұмбақ» мультфильмінің негізінде қатысушылар «эмоциялар банкасын» толтырып, әр эмоцияның маңыздылығы мен оны дұрыс білдіру жолдарын талқылады.
Жиналыс «Мен бүгін мықтымын, себебі…» атты алғыс айту тәжірибесімен аяқталды. Әр қатысушы өз жетістіктерін атап өтіп, күннің жағымды сәттерімен бөлісті.
Бұл іс-шара эмоцияларды түсінуге, отбасылық байланысты нығайтуға және мектеп ортасындағы психологиялық ахуалды жақсартуға маңызды қадам болды.