Құрметті ата-аналар! 14 ақпан күні сағат 18:30-да облысымыздың білім беру ұйымдарында кәмелетке толмағандар арасындағы аутодеструктивті мінез-құлықтың, буллингтің және тұрмыстық зорлық-зомбылықтың алдын алу бойынша Бірыңғай облыстық ата-аналар жиналысы өтеді. Жиналысқа мектептердің 5-11 сынып оқушыларының және колледждердің 1-4 курс студенттерінің ата-аналары шақырылады.
Іс-шараның мақсаты – жасөспірімдер арасындағы буллингтің, тұрмыстық зорлық-зомбылықтың және өз-өзіне қол жұмсаудың алдын алу бойынша ата-аналарға профилактикалық көмек көрсету.
Осы тақырыптың өзектілігін ескере отырып, біздің Орталық мамандары ата-аналар жиналысына әдістемелік материалдар әзірледі: ұсыныстар, теориялық және практикалық бөлімдер, бейнероликтер, буклеттер, жадынамалар.
Біз аутодеструктивті мінез-құлықтың, буллингтің негізгі себептері мен белгілерін қарастыруды, ата-ана мен бала арасындағы қарым-қатынасты талқылауды ұсынамыз. Сонымен қатар, балаңызды барлық өсу кезеңінде қалай қолдау керектігі, өмірлік төзімділік пен күйзеліске қарсы тұру қабілетін қалай қалыптастыру керектігі жөнінде нақты кеңестер беріледі. Сондай-ақ, ата-аналарға отбасылық тәрбие, буллингтің, суицидтік мінез-құлықтың және тұрмыстық зорлық-зомбылықтың алдын алу бойынша жадынамалар мен ақпараттық материалдар ұсынылады.
Маңызды шараны өткізіп алмаңыздар!