Осы тақырып аясындағы ата-аналар жиналысы Науырзым жалпы орта мектебінде өтті. Оны педагог-психолог Б.М. Искaкова біздің Орталықтың облыстық «Отбасылық клуб» жобасы аясында ұйымдастырды.
Кездесудің мақсаты – жасөспірімдердің жеке қауіпсіздік мәдениетін қалыптастыру мәселелері бойынша ата-аналардың құзыреттілік деңгейін арттыру.
Жеке қауіпсіздік дегеніміз не? Баланы қауіпсіздік ережелеріне қалай үйретуге болады? Ата-аналар осы және басқа да маңызды сұрақтарға жауапты психологпен бірге іздеді.
Жалпы, көп тақырыптар қозғалды. Ата-аналарға интернеттің қауіптері туралы және баланы интернет кеңістігінде қауіпсіз әрекет етуге қалай үйрету керектігі түсіндірілді.
Сонымен қатар, дағдарыстық жағдайларда: өрт кезінде, төтенше жағдайларда, зорлық-зомбылық қаупі туындағанда не істеу керектігі туралы әрекет алгоритмі еске салынды. Мұндай ақпарат мектепте балаларға үнемі түсіндіріледі, бірақ ата-аналар үшін де бұл білім аса қажет.
Қатысушылар қандай қорытындыға келді? Ең дұрысы – балалардың қауіпсіздігі – бұл өмірлік маңызды мәселе, ол үнемі ата-ананың бақылауында болуы тиіс!