Фёдоров ауданының Ленин атындағы мектебінде ата-аналармен кездесу өтіп, онда оларды «ДОСБОЛLIKE» атты жаңа республикалық буллингтің (қорлау, мазақ ету) алдын алу бағдарламасымен таныстырды.
Бағдарламаның мақсаты – оқушылар арасында қорлаудың алдын алу және оған қарсы іс-қимылдың тиімді жүйесін құру, сондай-ақ қауіпсіз әрі достық мектеп ортасын қалыптастыру.
Ата-аналар бұл бағдарламаның маңыздылығын атап өтіп, сенім мен қауіпсіздік атмосферасын құру үшін отбасы мен мектептің бірлескен әрекетінің қажеттігін айтты.
«ДОСБОЛLIKE» бағдарламасын енгізу – әрбір бала өзін сенімді, қорғалған және тыныш сезінетін мектеп ортасын қалыптастырудағы маңызды қадам болмақ.
Мұндай бастамалар педагогтар мен ата-аналардың күш-жігерін балалардың ең бастысы – үйлесімді дамуы мен әл-ауқаты жолында біріктіруге көмектеседі!