Буллинг – кейде ойлайтындай «балалардың өзара кикілжіңі» ғана емес. Бұл – құрбанға да, агрессорға да, сырттай бақылап тұрғандарға да әсер ететін маңызды әлеуметтік мәселе.
Осы тақырып туралы Мендіқара ауданы Архипов мектебінің 9-сынып оқушыларымен олардың сынып жетекшісі Л.В.Гудова әңгімелесті.
Ол жасөспірімдерге келемеждеу, мазақ ету, ренжіту немесе агрессия адамның бойында қорқыныш, жалғыздық, өз-өзіне сенімсіздік сияқты ауыр сезім тудыруы мүмкін екенін жеткізуге тырысты.
Ең маңыздысы – әңгіме тек теориямен шектелген жоқ. Оқушылар жағдайды үш қырынан қарауды үйренді: құрбан, бақылаушы және агрессор көзқарасынан. Бұл тәсіл эмпатия мен сыни ойлауды дамытады, сондай-ақ әр сөз бен әрекетке жеке жауапкершілікті сезінуге көмектеседі. Өйткені үнсіз сырттай бақылау да буллингті қолдауға әкелуі мүмкін.
Сынып сағаты ұжымдық күш – бірлік пен ынтымақта екенін еске салды. Өзара құрмет, қолдау және көмекке дайындық бар жерде буллингке орын жоқ!
Көмек сұрай білу және мәселені айтуға қорықпау – адамның психологиялық денсаулығын, тіпті өмірін сақтай алатын маңызды өмірлік дағды.
Осындай кездесулер жасөспірімдерге: әрқайсысы сынып пен мектептегі атмосфераға әсер ететінін түсінуге көмектеседі деп сенгіміз келеді. Қауіпсіз орта саналы таңдаудан басталады – адам болудан!