Сарыкөл ауданына қарасты Крылов жалпы білім беретін мектебінде педагог-психолог Г.Р. Вагапованың ұйымдастыруымен «Отбасылық клуб» облыстық жобасы және ата-аналарға психологиялық-педагогикалық қолдау көрсету орталығы аясында дөңгелек үстел форматында ата-аналармен кездесу өтті.
Кездесудің тақырыбы – балалардың зейінін дамыту және бұл үдерістегі ата-ананың рөлі.
Мазмұнды әңгіме барысында қатысушылар келесі мәселелерді талқылады:
• балалардың алаңғасарлығының себептері;
• күн тәртібі мен ұйқының маңызы;
• гаджеттердің зейінге әсері;
• зейінді дамытуға арналған ойындар мен жаттығулар;
• баланы дұрыс мадақтау арқылы оны қалай ынталандыру керек.
Практикалық бөлімде келесі жаттығулар жүргізілді:
«Айырмашылығын тап», «Зейінді көмекші» және «Тәуелділік» – бұл тапсырмалар ата-аналарға мәселені баланың көзқарасымен қарауға мүмкіндік берді.
Ерекше әсер қалдырған – «Құзғын мен қозы» рөлдік ойыны. Бұл жаттығу ата-аналарға бала мен ата-ана арасындағы эмоционалды рөлдерді тереңірек түсініп, өз жауапкершілігін сезінуге көмектесті.
Ата-аналар пайдалы ескертпе-парақтар алды:
«Бала зейінін дамытудың 10 әдісі»
«Зейін мен оқу жетістігі: ата-ана нені білуі тиіс»
Қатысушылар мұндай кездесулердің отбасылық қарым-қатынасты нығайтуға және ата-аналық құзыреттілікті арттыруға зор ықпал ететінін атап өтті!