Арқалық қаласындағы Ангар жалпы білім беретін мектебінде ата-аналар зиянды әдеттер тақырыбына арналған жиналысқа шақырылды.
Іс-шараның басты мақсаты – ағартушылық: ата-аналарға зиянды әдеттердің түрлері мен олардың салдары туралы ақпарат беру, сондай-ақ балаларды мұндай кері әрекеттерден қорғау жолдарын ұсыну.
Тренингтің негізгі міндеттері:
Зиянды әдеттердің балалар психологиясы мен денсаулығына әсерін түсіндіру;
Балаларда зиянды әдеттерге деген теріс көзқарас қалыптастыру;
Ата-аналармен бірлесіп профилактикалық іс-шаралар ұйымдастыру.
Тренинг барысында:
Мектеп психологы «Балаларды қоғамдағы зиянды әдеттерден қорғау» тақырыбында баяндама жасады;
Ата-аналар топтарға бөлініп, зиянды әдеттердің қауіптілігін бейнелейтін постерлер жасады;
Қатысушылар пайдалы кеңестерімен бөлісіп, тәжірибе алмасты.
Іс-шара соңында ата-аналар салауатты өмір салтын насихаттаудың және балалардың іс-әрекетіне үнемі назар аударудың маңыздылығын ерекше атап өтті.