Арқалық қаласындағы А. Байтұрсынов атындағы бастауыш гимназияда ата-аналарға арналған сабақ өтті. Бұл жиында ата-аналарға өзара, мұғалімдермен және балалармен үйлесімді қарым-қатынас орнату жолдары үйретілді.
Жиналыстың тақырыбы: «Мұғалім – оқушы – ата-ана» үшбұрышында позитивті эмоционалды атмосфера қалыптастыру». Іс-шара біздің Орталықтың «Отбасылық клуб» облыстық жобасы аясында ұйымдастырылды.
Мақсаты: Мұғалім, ата-ана және оқушы арасында сенімді әрі қолдаушы эмоционалды қарым-қатынас орнату, өзара түсіністік пен тыңдай білу қабілетін дамыту.
Бағдарламада:
Ата-аналарға арналған бейнероликтер көрсетілді;
Баяндамалар мен тренингтер ұйымдастырылды;
Жазғы кезеңге арналған қауіпсіздік ережелері жазылған ақпараттық парақшалар таратылды.
Ата-аналар белсенділік танытып, ой-пікірлерімен бөлісті және өз сұрақтарына жауап алды.
Мұндай іс-шаралар мектеп, ата-ана және оқушы арасындағы байланысты нығайтып, барлық тараптарға қолайлы орта қалыптастыруға үлкен ықпал етеді.