Фёдоров ауданының Ыбырай Алтынсарин атындағы жалпы білім беретін мектебінде маңызды әрі жанға жылу сыйлаған іс-шара – ата-аналарға арналған «Қабілет туралы сөйлесейік. Әр бала бірегей» атты сұхбат сағаты өтті.
Бұл кездесу біздің Орталықтың «Отбасылық клуб» атты облыстық жобасы аясында ұйымдастырылды.
Мақсаты – ата-аналарға өз балаларының жеке ерекшеліктері мен қабілеттерін байқауды, сондай-ақ бұл қабілеттердің күнделікті өмірде қалай көрініс табатынын түсінуге көмектесу.
Ерекше назар баланың танымдық саласын қалыптастыруға, яғни тұлғалық және отбасылық құндылықтарды дамыту негізіне аударылды.
Кездесу барысында келесі сұрақтар талқыланды:
Қабілет деген не және ол қалай дамиды?
Балалардың қабілеттері қандай түрлерге бөлінеді?
Уақытша қызығушылық пен тұрақты бейімділікті қалай ажыратуға болады?
Бала жетістігінің кішкентай да болса әрбір қадамын қолдаудың маңызы неде?
Ата-аналарға баланың даму үдерісін бақылауға арналған қарапайым, бірақ тиімді әдістер ұсынылды. Қатысушылар өз тәжірибелерімен бөлісіп, сұрақтар қойып, мектеп мамандарынан нақты кеңестер алды.
Ата-аналар ашық диалогтың арқасында қолдау тауып, тәжірибе алмасуға және педагогтармен бірлесе отырып әр баланың даму жолын қалыптастыруға болатынын атап өтті!