«Отбасынан – мектепке: бірге жаңа жетістіктерге» атты кездесу Шилі жалпы білім беретін мектебінде мектептің Психологиялық қызметі және «Отбасылық клуб» жобасы аясында өтті. Іс-шараны педагог-психолог А. Қойшыбекова өткізді.
Кездесудің мақсаты – ата-аналарға психологиялық қолдау көрсету және баланың мектепке сәтті бейімделуі үшін отбасы мен мектеп ынтымақтастығының маңызын айқындау.
Ата-аналар қызықты жаттығуларға қатысты:
«Сиқырлы сөмке» – әрқайсысы түрлі-түсті қағаздарға баласын қолдауда қолданғысы келетін қасиеттерді жазды: сенім, махаббат, сабырлылық, табандылық. Барлық тілектер «Жетістік сөмкесіне» салынды.
«Мен-хабарламалар» мини-тренингі ата-аналарға сезімдерін кінәлаусыз және айыптаусыз жеткізуге көмектесіп, балаларымен жылы әрі сенімді диалог құруға ықпал етті.
Жиналыс достық атмосферада өтті: ата-аналар тәжірибелерімен бөлісіп, маңызды мәселелерді талқылады және пайдалы кеңестер алды. Кездесу соңында барлығына жаңа оқу жылына арналған бес пайдалы ұсынысы бар жадынама таратылды.
Барлық қатысушыларды біріктірген басты ой: баланың табысы – отбасы мен мектеп ынтымақтастығында, ал ата-ананың сенімі мен қолдауы – оның үйлесімді дамуының кепілі!