Сатай негізгі мектебінде психологиялық қызмет балалар мен ата-аналарға арналған онлайн-байқау өткізді Байқаудың шарттары қарапайым болғанымен, мағынасы терең еді – отбасылық бірлескен демалысты бейнелейтін фотосуреттерді ұсыну.
Бұл суреттер ата-аналардың балаларды интернетте шектен тыс уақыт өткізуден қалай алшақтатып, пайдалы істерге бағыттайтынын айқын көрсетті:
табиғат аясындағы серуендер мен демалыс
спорттық ойындар
саяхаттар
шығармашылық және отбасылық іс-шаралар
Бір ғана фотосурет қамқорлық, сенім, ортақ қызығушылық пен шынайы қуанышқа толы тұтас бір оқиғаны баяндай алатыны қандай керемет! Дәл осындай бірлік пен жақындық сәттері нағыз отбасылық бақытты қалыптастырады 💞
Осындай шынайы эмоцияларды балалар өмір бойы ризашылықпен жадында сақтайды!
Шынайы қарым-қатынастың жылуын, күлкі мен жақындардың қолдауын ешбір гаджет алмастыра алмайды.
Алдын алу жұмысының жалғасы ретінде мектеп оқушылары мен олардың ата-аналары үшін ауылдың учаскелік инспекторларымен кездесу ұйымдастырылды.
Құқық қорғау қызметкерлері:
интернет-алаяқтықтың қауіптері туралы
цифрлық қауіпсіздік ережелері жайлы
жеке деректерді қорғау мәселелері жөнінде түсіндірді
Интернет – пайдалы құрал, алайда оны жауапкершілікпен және саналы түрде қолданған жағдайда ғана. Ал тәуелділіктің алдын алудың ең тиімді жолы – ата-ананың назары, бірлескен бос уақыт және берік отбасылық қарым-қатынас