Мектеп бітіруші оқушылардың өміріндегі маңызды кезең – Ұлттық бірыңғай тестілеу қарсаңында Арқалық қаласындағы А. Құнанбаев атындағы мектеп-гимназияда 11-сынып оқушыларына арналған психологиялық дайындық тренингтері өткізілуде. Жуырда өткен осындай тренинг бітірушілерді қобалжуды жеңуге және емтиханға сеніммен қадам басуға біріктірді.
Тренингтің мақсаты – мазасыздық деңгейін төмендету, оқушылардың өз күшіне деген сенімін арттыру, ішкі қысымды жеңілдету және жағымды көңіл-күй қалыптастыру.
Тренинг барысында:
Оқушылар өз ойларын, уайымдарын, үміт-тілектерін ашық бөлісті.
Босаңсу мен өзін-өзі реттеуге арналған арнайы жаттығулар жасады.
Стресті басқаруды және позитивті көзқараспен қарауды үйренді.
Педагог-психологтан және бір-бірінен қолдау алды.
Оқушылар мұндай кездесулердің оларға тек эмоционалды дайындық үшін ғана емес, сонымен қатар өз уайымымен жалғыз емес екенін сезінуге көмектесетінін атап өтті. Бұл ортақтық, сенімділік пен психологиялық жайлылық сезімін тудырады.
ҰБТ-ға дайындық кезеңінде осындай тренингтердің өткізілуі – түлектердің жетістігіне жасалған маңызды қадам. Себебі сенімділік пен ішкі тепе-теңдік – жеңістің жартысы.
Емтиханға әр қадам сенімді әрі саналы болсын!